Eimo tutti quanti di bravi figgèu.
N‟aivan dîto che a distrȗe „sta bella taera
de poeti, naveganti e … chêughi de friscèu
son staete e bombe da secunda grande gűaera
Emmo faeto e prime schèue
cantando l‟inno de Mameli.
Anchèu te van e balle a-e sèue
pe „sti erti “Valori” calpestâe da imbriaeghi bertoëli.
Se semmo trovâe , zoenotti, in ciassa Palermo
co-o coèu in remescio e tanta emoscion,
ma aveîmo sovia tutto un pünto fermo:
diplomâse e fâse na bonna posiscion.
Sentîvimo o mâ finn-a „n te osse.
Giâ o mondo e poeilo a-a fin conosce!
Ne paiva d‟ese di Re drento a-e carrosse!
Contenti comme se fiscimo in scë montagne rusce.
Quanti seugni sotto ò‟Erboo coi pennoȉn!
Quante puȉe davanti ai nostri professôi!
Ma anche dőpo e ciù dȗe interrogazioîn,
eimo e semmo de lô grendi estimatôi.
Ricordâ tutto e tutti de quelli anni cosci belli
őscuriescimo do De Amicis o libro “O Coèu”.
Ma quarcôsa a n‟a sens‟âtro impio i çervelli
pe ritrovâse sempre amixi ancon anchèu.
Cäo Erboo! Ai to pê se semmo ritrovâe.
Emmo montôo e grixelle pe andâ sempre ciù in erto;
pe sentîse ancon ciù in to spirito rinnovâe
e criâ “ZUMBAI” con coèu averto.
Ma o pensciëu o va ai nostri nèvi diplomâe.
Őua che no montâe cjù i schaen da nostra gloriosa schèua,
pensâe, sci, che v‟aspëtan navi sempre ciù modernizzâe,
ma no ve scordâe a CARRETTA, o NAUTICO e a so sede
nêua!
No creddei mai ai sbraggioin e ai ciarlattein!
Ei passôu cinque anni che no poei mai ciù scordâ!
E anche se ve sentiei „n giorno grandi capitain,
tutto passa: resta solo o ricordo da-aviva de mâ.